Rio frå lufta :)

Først må vi berre seie APRILSNARR! Det har komt et par bekymringsmeldingar, sjølv om dei fleste ikkje gjekk fem på. Silje er altså frisk, rød i trynet og krølla i ulla. Alt er med andre ord som normalt.

Livet i Rio er herlig og det er mykje spennande å finne på. Her om dagen tok vi turen på eit av dei største markeda i byen som byr på over 600 butikkar/boder. På veg tilbake tok vi eit stopp innom sjømannskirka, i håp om å finne melkesjokolade og vafler. Til vår store skuffelse måtte vi ta til takke med kanelbullar og kaffi. For å piffe opp kvardagen litt tok vi turen innom ein salong for å teste ut brasiliansk voksing. Der jobba det ei sadistisk heks som vrei seg i latter når vi hylte av smerte.

Byen byr på mangen vakre strender der det florerar av volleyball, menn i klistretruse(vårt fornorska ord for speedo) og damer i teenie weenie string bikini. Ipanema og Copacabana er dei to vi har fått tid til å besøke. Bølgene her er kjempesvære. Hehe. Dette kan Guro skrive under på. Hehe. Ho skulle vere kul og surfe på bølga, og endte opp topplaus i strandkanten. Ho trekt for gardina før ei ny bølge slo ho over ende.

Vi var ikkje dei einaste norske som var stasjonerte på Ipanema. Då Guro og Silje stod å leika seg med volleyballen kom plutselig Iver Horrem og plukka den opp. Han og Hordvik trena seg opp til OL2012 mot to tyskera. Etter trening vart det slått av ein liten prat, og Horrem tippa kjapt at vi var frå Førde. Hyggelege kara!

I dag har vi svevd som fuglar over Rio. Vi sprang ut frå Pedro Bonita med paraglidarar og hangglidera på ryggen, og hadde ei fantastisk utsikt over Jesusstatuen, sukkertoppen, favelaen, grønne regnskogar og milelange strender. Vakkert.